بے گناہ کو ہراساں نہ کیا جائے اور مجرم کو بخشا نہیں جانا چاہئے، یہ حکومت کا رہنما اصول ہے: ایل جی

امت نیوز ڈیسک //
جب ہدف ترقی اور امن ہے تو راج بھون اور یو ٹی حکومت کے درمیان تصادم کی کوئی وجہ نہیں ہے کی بات کرتے ہوئے لیفٹنٹ گورنر منوج سنہا نے اس بات کا اعادہ کیا کہ جموں و کشمیر کو ریاست کا درجہ دینا وزیر اعظم نریندر مودی اور وزیر داخلہ امت شاہ کا عہد ہے۔انہوں نے مزید کہا کہ اب کسی بھی ملی ٹینٹ تنظیم کا کوئی بھی اعلیٰ کمانڈر زندہ نہیں ہے اور مقامی نوجوانوں کی بھرتی کم ہے جس سے پڑوسی ملک پریشان ہے جو دراندازوں کو بھیجنے کی کوشش کر رہا ہے۔

سی این آئی کے مطابق ایک قومی ہندی نیوز چینل کو انٹرویو دیتے ہوئے لیفٹنٹ گورنر منوج سنہا نے راج بھون اور وزیر اعلیٰ کے درمیان ہموار تعلقات کے بارے میں پوچھے گئے ایک سوال کے جواب میں کہا کہ جب ہدف ترقی اور امن ہے تو راج بھون اور یو ٹی حکومت کے درمیان تصادم کی کوئی وجہ نہیں ہے انہوں نے زور دے کر کہا، ”جب ہدف ترقی اور امن ہے تو کسی قسم کی تصادم کی کوئی وجہ نہیں ہے۔“

جموں و کشمیر کو ریاست کا درجہ دینے پر لیفٹنٹ گورنر نے کہا کہ وزیر داخلہ امیت شاہ نے پارلیمنٹ میں اس کی یقین دہانی کرائی ہے جبکہ وزیر اعظم نریندر مودی نے سرینگر میں یوگا ڈے پر عہد کیا تھا کہ جموں و کشمیر کو ریاست کا درجہ بحال کیا جائے گا۔ انہوں نے یاد دلایا کہ کشمیر میں ملی ٹینسی کا چیلنج تھا اور جموں پرامن تھا، اس لیے جموں سے سیکورٹی فورسز کو واپس بلا لیا گیا۔ لیکن ہمارا پڑوسی (پاکستان) جو کہ پرامن انتخابات ہونے یا اپنے ہی ملک میں مسائل ہونے پر پریشان ہوتا ہے، جموں کے خطے کو پریشان کرنے کے لیے ملی ٹینٹ گھس آتے ہیں۔تاہم، اب سیکورٹی فورسز کی موجودگی بڑھا دی گئی ہے۔ انہوں نے کہا ”سردیوں میں، ہم جموں کے علاقے میں کے خلاف کامیابیوں کی توقع کر رہے تھے لیکن وہ اس حد تک نہیں تھے۔ ہم خطے میں مستقل امن کی بحالی کے لیے کام کر رہے ہیں۔ جموں کے لوگ قوم پرست ہیں اور وہ اسے برداشت نہیں کریں گے۔ “

انہوں نے کہا کہ یہ حکومت کا رہنما اصول ہے کہ کسی بے گناہ کو ہراساں نہیں کیا جانا چاہئے اور کسی مجرم کو بخشا نہیں جانا چاہئے۔لیفٹنٹ گورنر نے کہا کہ سینما ہالوں نے 32 سال بعد کام شروع کر دیا ہے۔ انہوں نے کہا ” بالی ووڈ جموں واپس آگیا ہے۔ فلموں کی شوٹنگ جاری ہے۔ جی 20 سربراہی اجلاس کے بعد غیر ملکی سیاحوں کی آمد میں بھی اضافہ ہوا ہے“۔

اس بات پر زور دیتے ہوئے کہ آزادی سے لےکر 2021 تک جموں و کشمیر کو صرف 14,000 کروڑ روپے مالیت کی صنعتی سرمایہ کاری ملی، سنہا نے کہا کہ 2021 میں نئی صنعتی ترقی کی اسکیم کے اعلان کے بعد، 1.65 لاکھ کروڑ روپے کی تجاویز موصول ہوئی ہیں۔انہوں نے کہا کہ گزشتہ سال 2.36 کروڑ سیاحوں نے جموں و کشمیر کا دورہ کیا۔انہوں نے کہا ” ہم نے ترقی پر زیادہ خرچ کرنے کے لیے اخراجات کو کم کرکے کفایت شعاری کے کچھ اقدامات بھی کیے ہیں۔ بھرتی شفاف طریقے سے کی گئی ہے۔ “