امت نیوز ڈیسک //
نئی دہلی: وزیر اعظم نریندر مودی نے پہلگام میں حملے کے بعد کی صورتحال پر تبادلہ خیال کرنے کے لئے بدھ کی صبح ہوائی اڈے پر قومی سلامتی کے مشیر اجیت ڈوول اور وزیر خارجہ ایس جے شنکر کے ساتھ میٹنگ کی۔
حکام نے بتایا کہ خارجہ سکریٹری وکرم مصری بھی میٹنگ کا حصہ تھے۔
نامعلوم عسکریت پسندوں نے منگل کو جنوبی کشمیر کے پہلگام کے ایک اہم سیاحتی مقام پر حملہ کیا، جس میں حکام کے مطابق، 26 افراد ہلاک اور متعدد زخمی ہوئے۔
حکام نے بتایا کہ 26 مرنے والوں میں دو غیر ملکی – متحدہ عرب امارات اور نیپال کے – اور دو مقامی شامل ہیں۔
مودی نے واپسی کے لیے اپنا سعودی عرب کا دورہ مختصر کر دیا، جب کہ وزیر داخلہ امیت شاہ وادی میں سیاحوں کو نشانہ بنانے والے انتہائی خوفناک حملے کے بعد حفاظتی اقدامات کی سربراہی کے لیے جموں و کشمیر پہنچے۔
