امت نیوز ڈیسک //
سانبہ/جموں، 25 مئی، اتوار کو علی الصبح جموں و کشمیر کے سانبہ ضلع میں ایک تیز رفتار گاڑی کی ٹکر سے ایک اسسٹنٹ سب انسپکٹر (اے ایس آئی) ہلاک اور ایک پولیس اہلکار زخمی ہو گیا۔
انہوں نے بتایا کہ اے ایس آئی یوگ راج سنگھ نے اپنی ٹیم کے ساتھ اسمگلروں کی جانب سے مویشیوں کی نقل و حمل کی ممکنہ کوششوں کے بارے میں معلومات کے بعد سوپوال علاقے کے پل پور میں سرحدی سڑک پر ایک چیکنگ پوائنٹ قائم کیا تھا۔
حکام نے بتایا کہ پولیس پارٹی نے صبح تقریباً 4.15 بجے ایک تیز رفتار منی لوڈ کیریئر کو روکنے کی کوشش کی، لیکن اس کے ڈرائیور نے رکاوٹیں پھلانگ کر انہیں ٹکر مار دی، جس کے نتیجے میں اے ایس آئی اور ایک اور پولیس اہلکار زخمی ہو گئے۔
انہوں نے بتایا کہ زخمیوں کو قریبی اسپتال لے جایا گیا جہاں اے ایس آئی زخموں کی تاب نہ لاتے ہوئے دم توڑ گیا۔
حکام کا کہنا تھا کہ پولیس نے مقدمہ درج کر کے گاڑی برآمد کر لی ہے، جسے قریبی علاقے میں لاوارث پایا گیا، جبکہ ملزم کی شناخت اور گرفتاری کے لیے چھاپے مارے جا رہے ہیں۔ (پی ٹی آئی)
