سرینگر۔جموں شاہراہ پھلوں سے لدی گاڑیوں اور ضروری اشیاء کی ترسیل کے لیے مکمل بحال ہوگی: وزیر اعلیٰ عمر عبداللہ

امت نیوز ڈیسک //
سرینگر، 16 ستمبر: وزیر اعلیٰ عمر عبداللہ نے منگل کو بتایا کہ سرینگر۔جموں نیشنل ہائی وے کو پھلوں سے لدے ٹرکوں اور ضروری اشیاء کی بلا تعطل فراہمی کے لئے مکمل طور پر بحال کیا جائے گا۔

ان کا کہنا تھا کہ مرکزی وزیر برائے سڑک، ٹرانسپورٹ و شاہراہیں نتن گڈکری نے آج سرینگر۔جموں نیشنل ہائی وے کی بحالی کا جائزہ لینے کے لئے ایک میٹنگ طلب کی ہے۔

انہوں نے مزید کہا کہ موجودہ صورتحال کے دوران مسافروں اور کسانوں کی مشکلات کو کم سے کم کرنے کے لئے حکومت پرعزم ہے۔

مائیکروبلاگنگ سائٹ ایکس (سابقہ ٹوئٹر) پر بات کرتے ہوئے وزیر اعلیٰ عمر عبداللہ نے کہا:”وزیر اعلیٰ کی پہل پر، معزز وزیر برائے سڑک، ٹرانسپورٹ و شاہراہیں نتن گڈکری نے آج سرینگر۔جموں نیشنل ہائی وے کی بحالی کا جائزہ لینے کے لئے ایک میٹنگ طلب کی۔”

انہوں نے مزید لکھا:”میٹنگ میں فوری اقدامات پر غور کیا گیا تاکہ این ایچ 44 کو پھلوں سے لدے ٹرکوں کی فوری آمد و رفت اور ضروری اشیاء کی بلا تعطل فراہمی کے لئے مکمل طور پر بحال کیا جا سکے۔

وزیر اعلیٰ نے اس بات کا اعادہ کیا کہ حکومت مسافروں اور کسانوں کی مشکلات کو کم سے کم کرنے کے لئے پرعزم ہے۔”