امت نیوز ڈیسک //
سرینگر، 22 اکتوبر: ایک اہم سیاسی پیش رفت کے تحت، پردیش کانگریس کمیٹی کے صدر طارق حمید قرہ نے پارٹی کے ارکانِ اسمبلی کی ایک ہنگامی میٹنگ آج دوپہر طلب کی ہے تاکہ نیشنل کانفرنس کی جانب سے دی گئی مشترکہ میٹنگ کی دعوت پر غور کیا جا سکے۔
ذرائع نے کشمیر نیوز آبزرور (کے این او) کو بتایا کہ قرہ آج شام 4:30 بجے کانگریس کے ایم ایل ایز کے اجلاس کی صدارت کریں گے، جس میں نیشنل کانفرنس کی دعوت پر تفصیلی مشاورت ہوگی۔
ذرائع کے مطابق، "قرہ ارکانِ اسمبلی سے رائے حاصل کرنے کے بعد پارٹی ہائی کمان سے مشاورت کریں گے تاکہ اس دعوت پر حتمی فیصلہ کیا جا سکے۔”
قابلِ ذکر ہے کہ کے این او نے آج صبح خبر دی تھی کہ نیشنل کانفرنس کے صدر ڈاکٹر فاروق عبداللہ نے حکمراں اتحاد کے ارکانِ اسمبلی کی میٹنگ آج ہوٹل ریڈیسن میں طلب کی ہے، جس میں آنے والے راجیہ سبھا انتخابات اور ریاستی اسمبلی کے مجوزہ اجلاس کے لیے حکمتِ عملی پر غور کیا جائے گا— (کے این او)
