امت نیوز ڈیسک //
جموں، 05 نومبر: بدھ کے روز کشتواڑ ضلع کے چترو کے علاقے کلبان کے جنگلات میں ملیٹنٹوں اور سیکیورٹی فورسز کے درمیان مقابلہ شروع ہوگیا ہے۔
مائیکرو بلاگنگ پلیٹ فارم "ایکس” پر بات کرتے ہوئے، فوج کی وائٹ نائٹ کور نے لکھا: "خفیہ معلومات پر مبنی ایک آپریشن کے دوران، پولیس کے ساتھ مل کر، آج صبح کے ابتدائی اوقات میں فوج کے چوکنا دستوں نے چھاترو کے عام علاقے میں ملیٹنٹوں سے رابطہ قائم کیا۔ ملیٹنٹوں کے ساتھ فائرنگ کا تبادلہ ہوا۔ آپریشن جاری ہے”، پوسٹ میں لکھا گیا۔
اس رپورٹ کے فائل ہونے تک وقفے وقفے سے فائرنگ کا تبادلہ جاری تھا۔ (جی این ایس)
