امت نیوز ڈیسک //
سرینگر: کاؤنٹر انٹیلیجنس کشمیر (سی آئی کے) نے ہفتہ کے روز وادی کی متعدد جیلوں، بشمول سنٹرل جیل سرینگر اور ڈسٹرکٹ جیل کپواڑہ میں اچانک تلاشی کارروائیاں انجام دیں۔
حکام نے نیوز ایجنسی—کشمیر نیوز آبزرور (کے این او) کو بتایا کہ یہ تلاشی مہم جیلوں کے اندر سرگرمیوں کی نگرانی اور اس بات کو یقینی بنانے کے لیے شروع کی گئی کہ کوئی ممنوعہ مواد قیدیوں کے ذریعے استعمال یا تبادلہ نہ کیا جا رہا ہو۔
ایک اہلکار نے بتایا، “کاؤنٹر انٹیلیجنس کشمیر کی ٹیموں نے آج سنٹرل جیل سرینگر اور ڈسٹرکٹ جیل کپواڑہ میں تلاشی کارروائیاں انجام دیں۔ اس کارروائی کا مقصد اندرونی سکیورٹی کو مضبوط بنانا اور کسی مشتبہ سرگرمی کا پتہ لگانا ہے۔”
تلاشی کارروائیاں جیل انتظامیہ کے ساتھ اشتراک سے کی گئیں۔ ذرائع کے مطابق تلاشی کے دوران دستاویزات، بیرکیں اور قیدیوں کے ذاتی سامان کا بھی معائنہ کیا گیا۔ —(کے این او)
