امت نیوز ڈیسک //
پٹن، 29 جنوری، کے این ٹی: پٹن کے علاقے حیدر بیگ میں بدھ کے روز ٹرک اور اییکو گاڑی کے درمیان پیش آئے سڑک حادثے میں ایک شخص جاں بحق جبکہ دوسرا زخمی ہو گیا۔
حکام کے مطابق حادثہ اییکو گاڑی اور ایک ٹرک کے درمیان پیش آیا۔ اس حادثے میں ریاض احمد نجار ولد غلام نبی نجار، ساکن ہیگام، شدید زخمی ہو گئے، جنہیں فوری طور پر ٹراما ہسپتال پٹن منتقل کیا گیا، جہاں ڈاکٹروں نے انہیں مردہ قرار دے دیا۔
حادثے میں جاں بحق ہونے والے کے بھائی جاوید احمد نجار بھی زخمی ہو گئے، جنہیں علاج کے لیے ٹراما ہسپتال پٹن منتقل کیا گیا ہے۔ ہسپتال ذرائع کے مطابق ان کی حالت مستحکم ہے۔
پولیس نے واقعے کا نوٹس لیتے ہوئے حادثے کی وجوہات جاننے کے لیے تحقیقات شروع کر دی ہیں۔[کے این ٹی]
