امت نیوز ڈیسک //
نئی دہلی، 13 فروری :بھارت کے وزیرِاعظم مودی نے جمعہ کے روز بنگلہ دیش نیشنلسٹ پارٹی (بی این پی) کے سربراہ طارق رحمان سے ٹیلی فون پر گفتگو کی اور عام انتخابات میں شاندار کامیابی پر انہیں مبارکباد دی۔
وزیرِاعظم مودی نے سوشل میڈیا پلیٹ فارم ایکس پر اپنے پیغام میں کہا کہ انہیں طارق رحمان سے بات کر کے خوشی ہوئی اور انہوں نے بنگلہ دیش کے انتخابات میں نمایاں فتح پر نیک تمناؤں کا اظہار کیا۔ مودی نے اس عزم کا اعادہ بھی کیا کہ بھارت بنگلہ دیش کے ساتھ امن، ترقی اور خوشحالی کے لیے مل کر کام کرتا رہے گا۔
انہوں نے کہا کہ دونوں ممالک کے درمیان تاریخی اور ثقافتی تعلقات نہایت مضبوط ہیں اور بھارت خطے میں استحکام کے لیے تعاون جاری رکھے گا۔
