امت نیوز ڈیسک //
سرینگر، 14 فروری : سرینگر کے علاقے بمنہ میں ایک افسوسناک واقعہ پیش آیا جہاں پانچ سالہ بچہ بلندی سے گرنے کے باعث جاں بحق ہو گیا۔
سرکاری ذرائع کے مطابق دانیال ولد پرویز احمد شیخ، ساکن نزد گرڈ اسٹیشن بمنہ، گھر کے اندر بلندی سے گر کر شدید زخمی ہو گیا۔ اسے تشویشناک حالت میں فوری طور پر ایس ایم ایچ ایس اسپتال منتقل کیا گیا۔
ڈاکٹروں نے بچے کی جان بچانے کی بھرپور کوشش کی، تاہم وہ زخموں کی تاب نہ لاتے ہوئے دم توڑ گیا۔
پولیس نے واقعہ کا نوٹس لیتے ہوئے مزید تحقیقات شروع کر دی ہیں۔ — (کے این سی)
