امت نیوز ڈیسک //
امریکی سینیٹر لنڈسے گراہم نے سعودی عرب کو خبردار کیا ہے کہ اگر وہ ایران کے خلاف امریکی فوجی کارروائی میں شامل نہ ہوا تو اس کے نتائج ہو سکتے ہیں۔
سینیٹر گراہم نے کہا کہ اس وقت امریکہ ایران کے خلاف جنگ میں اربوں ڈالر خرچ کر رہا ہے اور امریکی فوجی ہلاک ہو رہے ہیں، لیکن سعودی عرب صرف بیانات دے رہا ہے اور عملی طور پر جنگ میں حصہ نہیں لے رہا۔
انہوں نے اپنے بیان میں کہا:
"امریکی فوجی مارے جا رہے ہیں اور امریکہ ایرانی حکومت کو کمزور کرنے کے لیے اربوں ڈالر خرچ کر رہا ہے، جبکہ سعودی عرب صرف پس منظر میں محدود مدد کر رہا ہے۔”
انہوں نے خلیجی ممالک کو بھی مخاطب کرتے ہوئے کہا کہ خلیجی تعاون کونسل کے ممالک کو بھی اس جنگ میں زیادہ کردار ادا کرنا چاہیے کیونکہ یہ تنازعہ انہی کے خطے میں ہو رہا ہے۔
