امت نیوز ڈیسک //
جموں، 10 مارچ : فوج نے منگل کے روز بتایا کہ راجوری ضلع کے نوشہرہ سیکٹر کے جھنگر علاقے میں دراندازی کی کوشش کو ناکام بناتے ہوئے ایک ایک ملی ٹینٹ کو مارنے کا دعوی کیا گیا۔
فوج کے وائٹ نائٹ کور نے مائیکرو بلاگنگ پلیٹ فارم ایکس پر جاری بیان میں کہا کہ خفیہ ایجنسیوں کی قابلِ اعتماد معلومات کی بنیاد پر 10 مارچ کو سہ پہر تقریباً 3 بجے لائن آف کنٹرول کے قریب جھنگر، نوشہرہ کے علاقے میں دو ملی ٹینٹوں کی نقل و حرکت کا پتہ چلا۔
بیان کے مطابق الرٹ فوجی جوانوں نے فوری اور مؤثر کارروائی کرتے ہوئے دراندازی کی کوشش کو ناکام بنا دیا۔ جھڑپ کے دوران ایک پاکستانی حمایت یافتہ ملی ٹینٹ مارا گیا، جس کے ساتھ ہی لائن آف کنٹرول کی خلاف ورزی کی کوشش کو ناکام بنا دیا گیا۔
فوج نے بتایا کہ دوسرے ملی ٹینٹ کی تلاش کے لیے علاقے میں سرچ آپریشن جاری ہے۔ زمینی اور فضائی نگرانی کے ذریعے علاقے میں مکمل کنٹرول برقرار رکھا جا رہا ہے اور پورے سیکٹر میں سکیورٹی ہائی الرٹ پر ہے۔
