امت نیوز ڈیسک //
ایران نے اپنے قومی سلامتی کے سربراہ علی لاریجانی کی شہادت کی تصدیق کر دی ہے۔ ایرانی سرکاری میڈیا کے مطابق وہ رات کے وقت تہران میں اسرائیلی فضائی حملے میں جاں بحق ہوئے۔
رپورٹس کے مطابق اس حملے میں لاریجانی کے بیٹے مرتضیٰ لاریجانی، ان کے دفتر کے سربراہ اور کئی محافظ بھی مارے گئے۔
ایران کی سپریم نیشنل سکیورٹی کونسل نے اپنے بیان میں کہا کہ علی لاریجانی نے ملک اور اسلامی انقلاب کی خدمت کرتے ہوئے “شہادت” حاصل کی۔
ایرانی صدر مسعود پزشکیان نے اس واقعے پر گہرے دکھ اور افسوس کا اظہار کیا اور لاریجانی کو ایک بصیرت رکھنے والا رہنما قرار دیا۔
تجزیہ کاروں کے مطابق علی لاریجانی ایران کے طاقتور اور بااثر رہنماؤں میں شمار ہوتے تھے، اور ان کی ہلاکت سے خطے میں کشیدگی مزید بڑھنے کا خدشہ ہے۔
