امت نیوز ڈیسک //
سری نگر، 19 مئی: پی ڈی پی صدر محبوبہ مفتی نے منگل کے روز جموں و کشمیر انتظامیہ سے مطالبہ کیا کہ سابق جماعتِ اسلامی سربراہ شیخ غلام حسن کے جنازے میں جذبات کا اظہار کرنے والے افراد کے خلاف جاری ’’کریک ڈاؤن‘‘ اور ’’چڑیل شکار‘‘ بند کیا جائے۔
کلگام میں نامہ نگاروں سے بات کرتے ہوئے محبوبہ مفتی نے کہا، ’’لوگوں نے شیخ غلام حسن کے جنازے میں غم اور جذبات کے تحت بات کی، جو نہ صرف جماعتِ اسلامی کے سربراہ تھے بلکہ ایک جید اسلامی عالم بھی تھے۔ ممکن ہے ہم ان کی باتوں سے اتفاق نہ کریں، لیکن وہ ملک دشمن نہیں تھیں۔‘‘
سابق وزیر اعلیٰ محبوبہ مفتی نے ترگام، کلگام میں شیخ غلام حسن کے اہلِ خانہ سے تعزیت بھی کی۔
انہوں نے کہا کہ صرف غم اور جذبات کے اظہار پر سوگواروں کے خلاف ایف آئی آر درج کرنا افسوسناک ہے۔ محبوبہ مفتی نے ایکس پر ایک پوسٹ میں ایل جی منوج سنہا اور وزیر اعلی عمر عبداللہ سے اپیل کی کہ اس کارروائی کو روکا جائے۔
