امت نیوز ڈیسک //
سرینگر، 2 جون: حج کی سعادت حاصل کرنے کے بعد وطن واپس لوٹنے والے حجاج کرام کا آج سرینگر ہوائی اڈے پر پُرتپاک استقبال کیا گیا۔
جموں و کشمیر کے وزیر اعلیٰ عمر عبداللہ نے سینئر حکام کے ایک وفد کے ہمراہ ہوائی اڈے پر پہنچ کر حجاج کرام کا خیرمقدم کیا اور ان سے ملاقات کی۔
اس موقع پر حجاج کرام کی آمد کے تمام انتظامات خوش اسلوبی سے انجام دیے گئے تاکہ مقدس سفر سے واپس آنے والے زائرین کو کسی قسم کی دشواری کا سامنا نہ کرنا پڑے۔ حکام نے حجاج کے لیے آرام دہ اور سہل واپسی کو یقینی بنانے کے لیے ضروری سہولیات فراہم کیں۔
وزیر اعلیٰ نے حجاج کرام کو حج کی ادائیگی پر مبارکباد پیش کرتے ہوئے ان کی خیریت اور قبولیتِ حج کے لیے نیک خواہشات کا اظہار کیا۔
