امت نیوز ڈیسک //
جموں، 25 جون : کشمیر ایڈمنسٹریٹو سروس کے ایک سینئر افسر رومین شیخ جمعرات کی صبح جموں میں اپنی رہائش گاہ پر مردہ پائے گئے۔
سرکاری ذرائع کے مطابق رومین شیخ کا تعلق ضلع پونچھ کے سرنکوٹ علاقے کے گاؤں سالیاں سے تھا اور وہ 2005 بیچ کے کے اے ایس افسر تھے۔ وہ اس وقت کشمیر ڈویژن کے محکمہ ہینڈلوم میں جوائنٹ ڈائریکٹر کے طور پر خدمات انجام دے رہے تھے۔
حکام نے بتایا کہ موت کی وجہ فوری طور پر معلوم نہیں ہو سکی ہے اور اس سلسلے میں تحقیقات جاری ہیں۔
مرحوم کی نمازِ جنازہ آج شام 6 بجے ان کے آبائی گاؤں میں ادا کی جائے گی۔
پولیس نے واقعے کا نوٹس لے لیا ہے اور مزید کارروائی عمل میں لائی جا رہی ہے۔ (جی این ایس)
