امت نیوز ڈیسک //
سرینگر، 9 جولائی: ڈائریکٹوریٹ آف اسکول ایجوکیشن کشمیر (ڈی ایس ای کے) نے وادی بھر کے سرکاری و نجی اسکولوں اور نجی کوچنگ مراکز کو تمام کتابوں کی جامع جانچ کرنے کی ہدایت دی ہے تاکہ کسی بھی قسم کا قابلِ اعتراض یا نامناسب مواد زیرِ استعمال نہ ہو۔
حکم نامے کے مطابق اداروں کے سربراہان کو دفاتر، جماعتوں، عملہ کمروں، لائبریریوں اور دیگر مقامات پر موجود کتابوں کا جائزہ لینے کی ہدایت دی گئی ہے۔ اگر کسی کتاب میں قابلِ اعتراض مواد پایا جائے تو اس کی مکمل تفصیلات سات دن کے اندر متعلقہ چیف ایجوکیشن آفیسر یا زونل ایجوکیشن آفیسر کو ارسال کی جائیں۔
ڈی ایس ای کے نے واضح کیا ہے کہ مقررہ ہدایات پر عمل نہ کرنے کی صورت میں متعلقہ ذمہ داران کے خلاف ضابطے کے مطابق کارروائی کی جا سکتی ہے۔
