ادھم پور میں آٹھ گھنٹوں میں دو بم دھماکے، دو زخمی

امت نیوز ڈیسک //
ادھم پور: جموں و کشمیر کے ضلع ادھم پور میں آٹھ گھنٹوں کے دوران دو دھماکے ہوئے ہیں۔ پہلا دھماکہ بدھ کی رات ادھم پور کے ایک پٹرول پمپ پر کھڑی ایک خالی بس میں ہوا۔ دھماکے میں دو افراد زخمی ہو گئے۔ جبکہ دوسرے دھماکے کے بارے میں مزید معلومات کا انتظار ہے۔ پہلا واقعہ رات تقریباً 10.30 بجے ادھم پور ضلع کے ڈومیل چوک پر ایک پٹرول پمپ کے قریب پیش آیا۔ دھماکے سے قریب کھڑی دیگر گاڑیوں کو بھی نقصان پہنچا۔ زخمیوں کو ادھم پور ضلع اسپتال میں داخل کرایا گیا ہے۔ واقعے کے فوری بعد پولیس اور سیکیورٹی اہلکار موقع پر پہنچ گئے۔ تفتیش جاری ہے

ادھم پور کے ڈی آئی جی ریاسی رینج سلیمان چودھری نے بتایا کہ دھماکہ رات 10.30 بجے کے قریب ہوا۔ واقعے میں دو افراد زخمی ہوئے اور قریب کھڑی گاڑیوں کو بھی نقصان پہنچا۔ دھماکے کی وجہ تاحال معلوم نہیں ہو سکی ہے۔ ہم معاملے کی تحقیقات کر رہے ہیں۔