امت نیوز ڈیسک //
سرینگر//ضلع انتظامیہ کپواڑہ نے ضلع کے کرالپورہ تعلیمی زون کے ایک سرکاری اسکول میں طالب علموں کو مبینہ طور پر جسمانی سزا دینے کے الزام میں دو اساتذہ کو معطل کر دیا ہے۔کپواڑہ ضلع کے گمپورہ بڈنامل زون کرالپورہ میں تعینات دو اساتذہ نام شوکت احمد لون اور نصیر احمد لون کے خلاف شکایت درج کی گئی ہے۔حکم نامے میں لکھا گیا ہے کہ ایک غلام محمد لون ولد عبدالخالق آف بنڈنمل اپنی اہلیہ اور اسکول جانے والے تین بچوں کے ساتھ دو اساتذہ کی طرف سے جسمانی سزا کے حوالے سے تحریری شکایت کے ساتھ ڈپٹی کمشنر کے دفتر پہنچے۔اس میں لکھا گیا ہے، ”معاملے کی ابتدائی تحقیقات کی گئی تھیں اور ابتدئی طور سے ایسا لگتا ہے کہ یہ معاملہ جسمانی سزا کا معاملہ ہے اور اس کی مکمل انکوائری کی ضرورت ہے۔“اس نے مزید کہا کہ معاملے کی زیر التوا انکوائری دونوں اساتذہ کو فوری طور پر معطل کر دیا گیا ہے۔حکم نامے کے مطابق معاملے کی مکمل انکوائری کے لیے 4 رکنی کمیٹی تشکیل دی گئی ہے۔ کمیٹی مزید کارروائی کے لیے 10 دن کے اندر مخصوص تبصروں کے ساتھ حقائق پر مبنی رپورٹ لے کر آئے گی۔اس کمیٹی میں ڈسٹرکٹ سوشل ویلفیئر آفیسر کپواڑہ، تحصیلدار کرالپورہ، زونل ایجوکیشن آفیسر کرالپورہ اور ایس ایچ او کرالپورہ شامل ہیں۔
