سرینگر///مرکزی وزیر تعلیم دھرمیندر پردھان کی قیادت میں وزارت تعلیم اسکولوں، ہنر اور اعلیٰ تعلیمی اداروں میں ‘جنجاتیہ گورودوس’ کو شاندار طریقے سے منائے گی۔ 15 نومبر کو ملک بھر کے اداروں میں یہ تقریب منعقد کی جائے گی۔ پچھلے سال، حکومت نے 15 نومبر کو ‘ جنجاتیہ گورو دیوس’ کے طور پر اعلان کیا تھا جو بہادر قبائلی آزادی پسندوں کی یاد میں وقف تھا۔15 نومبر برسا منڈا کا یوم پیدائش ہے جسے ملک بھر میں قبائلی برادریاں بھگوان کے طور پر مانتی ہیں۔برسا منڈا ملک کے ایک مشہور آزادی پسند، سماجی مصلح اور قابل احترام قبائلی رہنما تھے، جنہوں نے برطانوی نوآبادیاتی حکومت کے استحصالی نظام کے خلاف بہادری سے لڑا، اور اپنی زندگی میں ایک افسانوی شخصیت بن گئے، جنہیں اکثر ‘ بھگوان’ کہا جاتا ہے۔ انہوں نے قبائلیوں کو "الگلان” (بغاوت) کی کال دیتے ہوئے قبائلی تحریک کو منظم کیا اور اس کی قیادت کی۔ انہوں نے قبائلیوں کو اپنی ثقافتی جڑوں کو سمجھنے اور اتحاد کا مشاہدہ کرنے کی ترغیب دی۔وزارت تعلیم کے مطابق "قبائلی آزادی کے جنگجووں کے تعاون کو یاد کرنے کے لئے، وزارت تعلیم ملک کے تمام تعلیمی اداروں میں ‘جنجاتیہ گورو دیوس’ منا رہی ہے۔ جنجاتیہ گورو دیوس کی ملک گیر تقریبات میں ملک بھر کے تعلیمی اداروں میں ‘ جنجاتی ہیروز کی جدوجہد آزادی میں شراکت’ کے موضوع پر مباحثے کے مقابلے، سماجی سرگرمیاں وغیرہ جیسے پروگراموں کی ایک بڑی تعداد دیکھنے کو ملے گی۔ وزیر تعلیم نے بتایا کہ ان تقریبات کے دوران بہادر قبائلی رہنماوں جیسے بھگوان برسا منڈا اور دیگر کے تعاون کو اجاگر کیا جائے گا۔ اچھے کام کے لئے طلبائ کو بھی نوازا جائے گا۔وزارت تعلیم نے مزید کہا کہ یہ تقریبات آنے والی نسلوں کو ملک کے لیے قبائلی آزادی پسندوں کی حیثیت سے ان کی قربانیوں کو تسلیم کرنے، ان کی میراث کو آگے بڑھانے اور قبائلی ثقافت، فن اور بھرپور قبائلی ورثے کے تحفظ کے لیے تحریک دیں گی۔
