امت نیوز ڈیسک //
سری نگر: جموں و کشمیر کے لیفٹیننٹ گورنر منوج سنہا نے یوم آئین پر لوگوں کو مبارکبادی دی ہے۔ انہوں نے کہا کہ ہمارے آئین میں شامل ابدی اقدار ہمارے لیے رہنما اصولوں کی حیثیت سے باقی ہیں۔ لیفٹیننٹ گورنر نے ان باتوں کا اظہار ہفتے کو اپنے ایک ٹویٹ میں کیا۔ انہوں نے کہا: ’یوم آئین پر میں لوگوں کو دل کی گہرائیوں سے مبارکباد دیتا ہوں ہمارا آئین ایک مقدس کتاب ہے اور اس میں شامل ابدی اقدار ہمارے لئے رہنما اصولوں کی حیثیت سے باقی ہیں‘۔
ان کا ٹویٹ میں مزید کہنا تھا: ’آج ہم سب یہ عہد کرتے ہیں کہ ہم ان تمام اقدار کو بر قرار رکھیں اور مستحکم بھارت کی تعمیر کے لئے اپنے بنیادی فرائض انجام دیں‘۔ بتادیں کہ ملک میں یوم آئین جس کو قومی قانون دن کے نام سے بھی جانا جاتا ہے، ہر سال 26 نومبر کو منایا جاتا ہے۔
