امت نیوز ڈیسک //
سری نگر،2 دسمبر (یو این آئی) پولیس نے فوج کی مدد سے شمالی کشمیر کے قصبہ اوڑی کے کمل کوٹ علاقے میں لائن آف کنٹرول پر اسلحہ و گولہ بارود کے علاوہ منشیات بر آمد کیا ہے ۔
بارہمولہ پولیس نے اپنے ٹویٹر ہینڈل پر جانکاری فراہم کرتے ہوئے ایک ٹویٹ میں کہا: ‘پولیس اور فوج کی8 آر آر کی ایک مشترکہ ٹیم نے اوڑی میں ایل او سی پر پاکستان زیر قبضہ کشمیر کی طرف در اندازی/منشیات اسمگلنگ کی ایک کوشش کو ناکام بنا دیا’۔
ٹویٹ میں کہا گیا کہ اس دوران اسلحہ و گولہ بارود کے علاوہ منشیات کے دس پاکیٹ بر آمد کئے گئے اور اس سلسلے میں پولیس اسٹیشن اوڑی میں ایک کیس درج کیا گیا۔
