امت نیوز ڈیسک//
ممبئی: بھارتیہ جنتا پارٹی (بی جے پی) لوک سبھا کی رکن پارلیمنٹ پرگیہ سنگھ ٹھاکر اور ان کے شریک ملزم سمیر کلکرنی نے جمعرات کو 2008 کے مالیگاؤں بم دھماکہ کیس میں بامبے ہائی کورٹ سے اپنی بریت کی درخواست واپس لے لی۔ پرگیہ پرگیہ ٹھاکر اور کلکرنی نے 2018 میں دائر اپنی درخواستیں واپس لے لیں، کیونکہ کیس کی سماعت آخری مرحلے میں ہے اور 289 گواہوں کی جرح ہوچکی ہیں۔
سادھوی پرگیہ سنگھ ٹھاکر کی طرف سے پیش ہونے والے سینئر وکیل پرشانت مگو نے عدالت کو بتایا کہ چونکہ ٹرائل کورٹ پہلے ہی 289 گواہوں کو پیش کرچکی ہے۔ اس مرحلے پر کیس سے بری ہونے کے لیے دباؤ ڈالنا درست نہیں ہوگا اور اس لیے وہ عرضی واپس لینا چاہتے ہیں۔ عدالت نے اسے قبول کر لیا۔ 29 ستمبر 2008 کو مہاراشٹر کے ناسک ضلع کے مالیگاؤں قصبے میں ایک مسجد کے قریب موٹرسائیکل میں نصب دھماکہ خیز مواد پھٹنے سے 6 افراد ہلاک اور 100 سے زائد زخمی ہو گئے تھے۔(یو این آئی)
