امت نیوز ڈیسک //
سرینگر:موسمی حالات کے پیش نظر اور ضرورت کے مطابق کشمیر یونیورسٹی مختصر مدت کے لیے سرمائی تعطیلات کا اعلان کرسکتی ہے۔ ان باتوں کا اظہار کے یو کے وائس چانسلر پروفیسر نیلوفر خان نے کیا۔
کشمیر یونیورسٹی کی وائس چانسلر پروفیسر نیلوفر خان نے ہفتے کے روز ایک تقریب کے حاشے پر کہا کہ مختصر مدت اور موسمی حالات کو مدنظر رکھ کر سرمائی تعطیلات کا اعلان کیا جائے گے۔انہوں نے کہا یونیورسٹی کی جانب سے پہلے سے ہی طے شدہ امتحانات وقت مقرر پر لیا جائے گا اور تدریسی عملہ بھی پڑھانے کا عمل جاری رکھے گا۔
میڈیا نمائندوں کے ساتھ بات چیت کے دوران انہوں نے کہا کہ یونیورسٹی کا نظم ونسق اور کام کرنے کا طریقہ کار اسکولوں سے زرا مختلف ہے۔ ایسے میں بنیادی ڈھانچے کی دستیابی کو پیش نظر اور موسمی حالات کو ملحوظ رکھ کر ہی قلیل وقت کے لیے سرمائی چھٹی کا اعلان کیا جائے گا۔واضح رہے کہ جموں و کشمیر انتظامیہ نے کشمیر ڈویژن اور جموں ڈویژن کے سرمائی زون کے تمام اسکولوں کے لئے سرمائی تعطیلات کا اعلان کیا ہے ۔ حکم نامے کے مطابق سرمائی تعطیلات مرحلہ وار بنیاد پر ہوگی اور یہ چھٹیاں 28 فروری 2023 تک جاری رہی گی۔
