امت نیوز ڈیسک //
ترکی اور شام میں 6 فروری کو آنے والے زلزلے سے اموات کی تعداد 34 ہزار سے تجاوز کرگئی ہیں۔
غیر ملکی میڈیا رپورٹس کے مطابق ترکی میں 29 ہزار 605 اور شام میں 4 ہزار 500 اموات ہوئی ہیں۔
عالمی ادارہ صحت کا کہناہے کہ دونوں ملکوں میں 2 کروڑ 60 لاکھ افراد متاثرہوئے ہیں، متاثرین کے لیے 4 کروڑ 28 لاکھ ڈالر کی فوری امدادکی اپیل کی گئی ہے۔
اقوام متحدہ نے خدشہ ظاہرکیا ہےکہ ترکی اور شام میں زلزلے سے اموات کی تعداد دوگنا ہوسکتی ہے۔
اس دوران محکمہ صحت نے اس بات کا انکشاف کیا ہے کہ ملبے تلے زخمیوں کی بچنے کے آثار انتہائی کم ہوتا ہے جس سے اموات کی تعداد آئے روز بڑھتی جارہی ہے۔ (جموں کشمیر پریس سروس)
