امت نیوز ڈیسک //
سری نگر / / جموں و کشمیر کے عوام اس وقت سخت ترین اقتصادی بد حالی کے بیکار ہیں اور ایسی صور تحال میں پراپرٹی ٹیکس کا اطلاق سمجھ سے بالا ترہے اور ایسے اقدامات اٹھانا ایک عوامی منتخبہ حکومت کے حد اختیار میں ہوتاہے، بیرونی ریاستوں سے لائے گئے مٹھی بھر بیر وکر ینہ یہاں کے عوام پرتانا شاہی پر مبنی فیصلے صادر کرنے کا حق نہیں رکھتے ہیں۔ ان باتوں کا اظہار ڈاکٹر فاروق عبد اللہ نے پارٹی ہیڈ کوارٹر پر منعقدہ ایک اجلاس سے خطاب کرتے ہوئے کیا۔ ڈاکٹر فاروق عبد اللہ نے کہا کہ موجودہ سخت ترین مشکلات کا حل اتحاد ، اتفاق اور صبر و استقلال میں ہی ہے۔ ہمیں ہر حال میں خود اعتمادی اور خدا اعتمادی کا جذبہ رکھنا ہوتا۔ انہوں نے پارٹی سے وابستہ افراد پر زور دیا کہ وہ عوام کیسا تھ قریبی رابطہ رکھیں اور تنظیمی کی تمام اکائیوں کی مضبوطی کیلئے کام کریں۔
انہوں نے کہا کہ ہل والے جھنڈے کیخلاف ماضی میں بھی سازشیں ہوئیں، اس وقت بھی ہو رہی ہیں اور مستقبل میں بھی ہوتی رہیں گے لیکن ہمیں ثابت قدم رہ کر آپس میں اتحاد اور اتفاق کا مظاہرہ کر کے سازشوں کو ناکام بناتا ہے۔
اجلاس سے خطاب کرتے ہوئے نائب صدر عمر عبد اللہ نے پارٹی لیڈران، عہدیداروں اور کارکنوں پر زور دیا کہ وہ عوامی رابطہ مہم میں سرعت لائیں اور اپنے اپنے علاقوں رہ کر لوگوں کی خدمت میں پیش پیش رہیں۔ انہوں نے کہا کہ عوامی رابطہ ہی نیشنل کانفرنس کی مضبوطی ہے اور ہمیں خود کو ہر حال میں عوام کیلئے وقف رکھنا ہو گا۔
