امت نیوز ڈیسک//
پولیس نے ضلع پلوامہ کے اونتی پورہ علاقے میں 2 ملی ٹنٹ کارکنوں کو گرفتار کرکے ان کے قبضے سے اسلحہ و گولہ بارود برآمد کرنے کا دعویٰ کیا ہے۔
جموں و کشمیر پریس سروس کے موصولہ تفصیلات کے مطابق پولیس اسٹیشن اونتی پورہ نے ملی ٹنٹوں کی کاروائی متعلق ایک مخصوص اطلاع کے بنا پر گزشتہ روز ایک تلاشی آپریشن شروع کیا تھا کہ جس دوران بشیر احمد اور گلزار احمد سکونت ترال اونتی پورہ کی گرفتاری عمل میں لائی گئی جو کہ پولیس کے مطابق ملی ٹنٹ تنظیم جیش محمد کے ساتھ اندرونی طور پر کام کررہے تھے جن کے قبضے سے بھاری مقدار میں اسلحہ و گولہ بارود برآمد کیا گیا ہے۔
پولیس کا کہنا ہے کہ معاملے کی نسبت سے تفتیش جاری ہے ۔
