امت نیوز ڈیسک//
گاندربل، 06 مئی: وسطی کشمیر کے گاندربل ضلع کے جنگلاتی علاقے میں ہفتہ کو جڑی بوٹیاں جمع کرنے کے دوران ایک خاتون پھسل کر ہلاک ہوگئی۔
ایک اہلکار نے خبر رساں ایجنسی کو بتایا کہ زرینہ بانو (30) قریبی جنگلاتی علاقے میں جڑی بوٹیاں اکٹھی کرنے گئی تھیں تاہم شدید بارش اور پھسلن کی وجہ سے وہ توازن کھو بیٹھی اور موقع پر ہی دم توڑ گئی۔
انہوں نے بتایا کہ واقعہ کے فوراً بعد مقامی پولیس موقع پر پہنچی اور اس کی لاش کو برآمد کرلیا۔
"طبی قانونی رسمی کارروائیوں کے بعد اس کی لاش کو آخری رسومات کے لیے اس کے اہل خانہ کے حوالے کر دیا جائے گا،” انہوں نے کہا۔
