امت نیوز ڈیسک//
ادھم پور، 12 مئی: ادھم پور ضلع کے لاٹی علاقے میں جمعہ کو ایک خاندانی تقریب کے دوران پریشر ککر پھٹنے سے چار بچے زخمی ہو گئے۔
ایک اہلکار نے خبر رساں ایجنسی کو بتایا کہ تحصیل لاٹی کے گاؤں سیرا میں خاندانی تقریب کے دوران پریشر ککر پھٹ گیا۔
انہوں نے بتایا کہ اس واقعہ میں چار بچے شدید طور پر زخمی ہوئے ہیں اور انہیں ضلع اسپتال ادھم پور پہنچایا گیا ہے۔
اہلکار نے مزید کہا کہ ان میں سے دو کو مزید علاج کے لیے جی ایم سی جموں ریفر کر دیا گیا ہے۔
