امت نیوز ڈیسک //
کشمیر سے تعلق رکھنے والی سماجی کارکن عافرین برکت کو نیشنل یوتھ ایکسیلنس ایوارڈ سے نوازا گیا۔ گاندھی نگر جموں کے پی جی کالج برائے خواتین میں ایک تقریب کا انعقاد کیا گیا جہاں تقریباً 16 ریاستوں نے نیشنل یوتھ ایکسچینج پروگرام میں حصہ لیا۔ یہ ایوارڈز جموں و کشمیر کے سابق وزیر اعلیٰ غلام نبی آزاد نے تقسیم کئے۔
آفرین برکت کو معاشرے میں ان کی خدمات کے اعتراف میں ایوارڈ دیا گیا۔ اس کی رضاکارانہ خدمات اور ضرورت مندوں کی مدد کو سراہا گیا۔ آفرین برکت جن کا تعلق عالمگیری بازار سری نگر سے ہے جو مختلف غیر سرکاری تنظیموں کے لیے کام کرتی ہے۔ وہ سری پرتاپ کالج کی ایکسٹینشن ایکٹیویٹیز کمیٹی کی ایک فعال رکن ہیں ۔عافرین سری پرتاپ کالج سے باٹنی میں ماسٹرز کر رہی ہیں۔
وہ اس وقت "Live for Others being helpful Foundation” نامی تنظیم کےلیے کام کر رہی ہیں جہاں وہ جنرل سکریٹری کے عہدے پر فائز ہیں۔
