امت نیوز ڈیسک //
انقرہ: ترکیہ کے صدر رجب طیب ایردوان نے کہا کہ یہ صرف ہماری فتح نہیں ہے بلکہ یہ فتح ترکیہ کی فتح ہے ،یہ قوم اور جمہوریت کی فتح ہے۔
صدارتی انتخابات کے دوسرے مرحلے میں کامیابی کے بعد، صدر ایردوان نے ہمیشہ کی طرح انتخاب کے بعد نتائج کے بارے میں صدارتی محل کی بالکونی سے اپنا روائتی خطاب کیا۔
انہوں نے انتخابات میں حصہ لینے والے تمام شہریوں کا شکریہ ادا کرنے کے بعد انتخابات میں حصہ لینے والوں کو بھی مبارکباد پیش کی۔
صدر ایردوان نے کہا کہ یہ صرف ہماری فتح نہیں ہے بلکہ یہ فتح ترکیہ کی فتح ہے ،یہ قوم اور جمہوریت کی فتح ہے۔ انہوں نے کہا کہ وہ کسی سے ناراض نہیں ہیں۔
انہوں نے کہا کہ اب وقت آگیا ہے کہ ہم اپنے قومی مقاصد اور خوابوں کے ارد گرد متحد اور مربوط ہوں۔
سپریم الیکشن بورڈ کے اعلان کردہ عارضی انتخابی نتائج کے مطابق ایردوان گزشتہ روز منعقدہ صدارتی انتخابات کے دوسرے مرحلے میں 52.14 فیصد ووٹ حاصل کر کے دوبارہ صدر بن گئے ہیں۔
