امت نیوز ڈیسک //
جموں:جموں وکشمیر کے لیفٹیننٹ گورنر منوج سنہا نے شری امرناتھ جی یاترا کے لیے سکیورٹی کے تمام تر انتظامات کی یقین دہانی کرتے ہوئے کہا کہ ہم کسی بھی چلینج کا مقابلہ کرنے کی صلاحیت رکھتے ہیں۔انہوں نے کہا کہ جموں میں مزید چار سے پانچ یاتری نواس بنائے جائیں گے۔ موصوف لیفٹیننٹ گورنر نے ان باتوں کا اظہار منگل کو جموں میں یاتری نوس کا سنگ بنیاد رکھنے کے بعد نامہ نگاروں کے ساتھ بات کرتے ہوئے کیا۔انہوں نے کہا کہ ‘چلینجز آتے رہتے ہیں لیکن ہم کسی بھی چلینج کا مقابلہ کرنے کی صلاحیت رکھتے ہیں’۔ان کا کہنا تھا کہ امسال امرناھ یاترا یکم جولائی سے شروع ہو کر 31 اگست کو اختتام پذیر ہوگی اس کے لئے سکیورٹی کے تمام تر انتظامات کئے گئے ہیں۔انہوں نے کہا یاتریوں کی سہولیات کے لیے مزید چار سے پانچ یاتری نواس بن جائیں گے جب کہ چندن واڑی سے بالتل ایک روڈ کی تعمیر بھی زیر غور ہے۔انہوں نے کہا کہ اس روڈ سے یاتریوں کا وقت بچ جائے گا اور زیادہ سے زیادہ یاتری بابا امرناتھ کی یاترا کر سکیں گے۔
امرناتھ یاتریوں کیلئے چار یاتری نواس تعمیر کیے جائیں گے، منوج سنہاقبل ازیں انہوں نے یاتری نواس کا سنگ بنیاد رکھنے کے بعد اپنے ایک ٹویٹ میں کہا کہ ‘میں وزیر اعظم نریندر مودی جی اور مرکزی وزیر ہردیپ پوری جی کا شری امرناتھ جی شرائن بورڈ کے جموں میں یاتری نواس قائم کرنے پر شکر گذار ہوں’۔انہوں نے ٹویٹ میں کہا کہ اس نئی سہولیت سے بابا امرناتھ کی یاترا کرنے والے یاتریوں کی زندگی میں آسانی پیدا ہوگی۔
اس موقع پر مرکزی وزیر ہردیپ سنگھ پوری نے کہا کہ جموں و کشمیر انتظامیہ کی طرف سے جتنے بھی یاتری نواس قائم کرنے کی تجویز پیش کی گئی ہے ان سب کو منظوری دی جائے گی۔انہوں نے کہا کہ ہم ان پروجیکٹوں کی تیز بنیادوں پر فنڈنگ کو یقینی بنائیں۔
