امت نیوز ڈیسک //
سرینگر // ریاستی تحقیقاتی ایجنسی (ایس آئی اے ) نے جمعہ کو عسکری
فنڈنگ معاملے کی تحقیقات کے سلسلے میں جموں و کشمیر کے گرمائی دارالحکومت سرینگر اور دہلی میں پانچ مقامات پر چھاپے مارے۔ پولیس ذرائع نے بتایا کہ ایس آئی اے سرینگر میں دو مقامات پر چھاپے مار رہی ہے۔ اُنہوں نے بتایا کہ سرینگر کے سید پورہ عید گاہ اور احمد نگر علاقہ
میں چھاپے مارے جارہے ہیں۔
انہوں نے کہا کہ دہلی میں ایجنسی تین مقامات پر تلاشی لے رہی ہے۔ یہ مقدمہ ملزمان کی طرف سے جرائم کی غیر قانونی رقم کو غیر قانونی طور پر اکٹھا کرنے، جمع کرنے اور لانڈرنگ سے متعلق ہے جو کہ بعد میں علیحدگی پسندی اور ملی ٹینسی سمیت غیر قانونی سرگرمیوں میں استعمال کیا جا سکتاہے۔
پولیس نے بتایا کہ پولیس تھا نہ ایس آئی اے کشمیر میں مکمل تفتیش کے بعدایک کیس درج کیا گیا ہے۔
اُنہوں نے بتایا کہ انکوائری کے دوران، یہ پتہ چلا کہ 85 کروڑ روپے کی رقم
کو دو سال سے بھی کم عرصے کے اندر غیر قانونی طور پر اکٹھا کیا گیا اور لانڈر کیاگیا۔
اس سلسلے میں ایک مقدمہ ایف آئی آر نمبر 2023/08 کے تحت قانون
کی مناسب دفعات کے تحت ایس آئی اے کشمیر میں مقدمہ درج کیا گیا تھا اورکیس کی مزید تفتیش جاری ہے۔
