امت نیوز ڈیسک //
سرینگر: کشمیر کی موجودہ موسمی صورتحال کے تناظر میں کشمر یونیورسٹی نے 21 فروری کو لئے جانے والے اپنے تمام امتحانات کو ملتوی کرنے کا اعلان کیا ہے۔ اس حوالے سے باضابطہ طور نوٹفیکیشن بھی جاری کی گئی ہے۔
گزشتہ کل سے وادی کشمیر کے میدانی اور بالائی علاقوں میں ہورہی ہی بارشوں اور برفباری کے پیش نظر یونیورسٹی نے بدھ یعنی 21 فروری کو لیے جانے والے سبھی امتحانات کو فی الحال کے لیے ملتوی کرنے کا اعلان ہے۔نوٹفیکیشن کے مطابق ان امتحانات کی نئی تاریخوں کا اعلان بعد میں کیا جائے گا۔
قابل ذکر کہ محکمے موسمیات کی عین پیش گوئی کے مطابق پیر سے ہی میدانی علاقوں میں بارشوں جبکہ بالائی علاقوں میں برفباری کا سلسلہ شروع ہوا، تاہم کشیر کے بیشتر میدانی علاقوں میں منگل کی صبح سے برفباری کا سلسلہ شروع ہوا جو کہ تاحال جاری ہے۔
آج صبح سے ہورہی برفباری کے نیتجے میں معمول کی زندگی کچھ حد تک متاثر ہوئی ہے۔سڑکوں پر پھلسن ہونے کی وجہ سے گاڑیوں کے چلنے پھرنے میں دقتیں پیش آرہی ہیں۔محکمے موسمیات نے پہلے ہی پیش گوئی کی ہے کہ 19 سے 20 فروری تک کشمیر کے میدانی اور بالائی علاقوں میں درمیانہ سے بھاری برفباری کا امکان ہے۔
