امت نیوز ڈیسک //
نئی دہلی: بی جے پی صدر جے پی نڈا کی اہلیہ کے نام پر رجسٹرڈ ایک ایس یو وی مبینہ طور پر جنوبی دہلی سے چوری ہوئی ہے اور اس کا ابھی تک پتہ نہیں چل سکا ہے۔ پولیس نے اتوار کو یہ جانکاری دی۔ یہ واقعہ 19 مارچ کو منظر عام پر آیا۔ گاڑی کے ڈرائیور جوگندر نے سفید ٹویوٹا فارچیونر کو گووند پوری کے ایک سروس سینٹر میں چھوڑ دیا تھا۔ وہ تھوڑی دیر کے لیے گھر واپس آیا لیکن واپسی پر گاڑی غائب پائی۔
فوراً ایف آئی آر درج کر کے تفتیش شروع کر دی گئی۔ ایک پولیس افسر نے کہا ‘سی سی ٹی وی فوٹیج کی جانچ کرنے والی پولیس ٹیم نے پایا کہ گاڑی کو آخری بار گروگرام کی طرف جاتے ہوئے دیکھا گیا تھا۔ تاہم وسیع تر کوششوں کے باوجود کار چوری کا سراغ لگانے میں کوئی کامیابی نہیں ملی۔ ذرائع نے بتایا کہ گاڑی ہماچل پردیش میں جے پی نڈا کی بیوی کے نام پر رجسٹرڈ تھی۔
دہلی پولیس نے معاملے کی مکمل جانچ کرنے اور قصورواروں کو انصاف کے کٹہرے میں لانے کا یقین دلایا ہے۔ دہلی میں چوری عام ہے۔ این سی آر بی کی رپورٹ کے مطابق سال 2022 میں دہلی میں قتل کے 501 کیس درج ہوئے تھے۔ جبکہ 2021 میں 454 مقدمات درج ہوئے جبکہ 2020 میں 461 مقدمات درج ہوئے۔ اگر ہم ان اعداد و شمار پر نظر ڈالیں تو دہلی میں پچھلے کچھ سالوں میں جرائم کا گراف بڑھا ہے۔
