امت نیوز ڈیسک //
رامبن، 15 مئی : جموں خطے کے رامبن ضلع میں بدھ کو ایک سڑک حادثے میں ایک ڈرائیور کی جان چلی گئی۔
ایک اہلکار نے نیوز ایجنسی کشمیر اسکرول کو بتایا کہ ایک ٹرک زیرنمبر PB35Q-4481 جموں سے سری نگر کی طرف جا رہا تھا جب ڈلواس کے قریب پہنچا تو ایک ڈمپر زیر نمبر JK 19A-0166 پچھلی طرف سے ٹکرا گیا۔
ان کا کہنا تھا کہ واقعے میں نامعلوم ٹرک ڈرائیور موقع پر ہی جاں بحق ہوگیا، لاش کو قانونی کارروائی کے لیے اسپتال منتقل کردیا گیا ہے۔ انہوں نے بتایا کہ ڈمپر کے ڈرائیور اور ہیلپر نامی محمد اکرم اور بہار احمد ساکنہ سمبر رامبن زخمی ہوئے جنہیں علاج کے لیے ہسپتال منتقل کر دیا گیا ہے۔
دریں اثناء پولیس نے واقعہ کا نوٹس لیتے ہوئے اس سلسلے میں تفتیش شروع کردی ہے۔(کشمیر اسکرول )
