امت نیوز ڈیسک //
بڈگام، 15 مئی: وسطی کشمیر کے بڈگام ضلع میں منگل کو ایک تیندوے نے حملہ کرکے 6 افراد کو زخمی کردیا۔
ایک اہلکار نے نیوز ایجنسی کشمیر اسکرول کو بتایا کہ نصراللہ پورہ میں ایک جنگلی تیندوے نے حملہ کر کے چھ افراد کو زخمی کر دیا جب وہ زرعی زمین میں کام کر رہے تھے۔ حملے کے بعد، تاہم، مقامی لوگ موقع پر پہنچ گئے اور تمام زخمیوں کو فوری طور پر قریبی اسپتال لے گئے جہاں ڈاکٹروں نے دانش احمد ملک سمیت دیگر کو جدید علاج کے لیے ایس ایم ایچ ایس اسپتال ریفر کردیا۔ اسپتال کے ایک ڈاکٹر نے نیوز ایجنسی کشمیر اسکرول کو واقعے کی تصدیق کی اور تمام زخمیوں کی شناخت عبدالغفار راتھر، عمر 70 سال، عادل شفیع میر عمر تقریباً 25 سال، جہانگیر احمد میر عمر تقریباً 27 سال، وقار رشید ڈار عمر 21 سال اور سہیل احمد مگلو عمر تقریباً 18 سال تمام رہائشی نصراللہ پورہ بڈگام کے ہیں ۔
ادھر وائلڈ لائف کے ایک اہلکار نے نیوز ایجنسی کشمیر اسکرول کو بتایا کہ تیندوا مارا گیا اور اسے بھی موقع سے لے جایا گیا ہے۔ (کشمیر اسکرول )
