امت نیوز ڈیسک //
نئے قوانین مجرمانہ انصاف کے نظام کو نوآبادیاتی دور کی ذہنیت سے آزاد کریں گے کی بات کرتے ہوئے لیفٹنٹ گورنر منوج سنہا نے کہا کہ گزشتہ چار سالوں میں اسٹیک ہولڈرس کے ساتھ مشاورت کے بعد بھارتیہ ناگرک تحفظ سنہتا ، اور بھارتیہ ساکشیہ ادھینیم کو لاگو کیا گیا ہے جس کیلئے جموں کشمیر پولیس کو مبارک باد دی جاتی ہے ۔ سی این آئی کے مطابق جموں و کشمیر میں نئے فوجداری قوانین کے نفاذ کی تقریب سرینگر کے پولیس ہیڈ کوارٹر میں منعقد ہوئی۔ اس میں لیفٹنٹ گورنر منوج سنہا، جسٹس این کوٹیشور سنگھ، جموں و کشمیر اور لداخ ہائی کورٹ کے چیف جسٹس، ایل جی کے مشیر آر آر بھٹناگر، چیف سیکرٹری اٹل ڈولو، جموں و کشمیر کے ڈی جی پی آر آر سوائن اور دیگر افسران نے شرکت کی۔ اس موقعہ پر تقریب سے خطاب کرتے ہوئے لیفٹنٹ گورنر منوج سنہا نے اعلان کیا کہ تین نئے فوجداری قوانین ملک کے فوجداری انصاف کے نظام کو نوآبادیاتی دور کی ذہنیت سے آزاد کر دیں گے۔انہوں نے کہا ”یہ نئے قوانین، جو آج سے ملک بھر میں لاگو ہوں گے، نوآبادیاتی دور کے قوانین کو ختم کرکے ہندوستان کے فوجداری انصاف کے نظام میں وسیع پیمانے پر تبدیلیاں لائیں گے۔ بھارتی نیا سنہتا، بھارتی شہری تحفظ سنہتا، اور بھارتیہ ساکشیہ ادھینیم بالترتیب برطانوی دور کے انڈین پینل کوڈ، کوڈ آف کریمنل پروسیجر، اور انڈین ایویڈینس ایکٹ کی جگہ لیں گے“۔منوج سنہا نے کہا” یہ تینوں فوجداری قوانین ملک کے فوجداری انصاف کے نظام کو نوآبادیاتی دور کی ذہنیت سے آزاد کر دیں گے۔ میںجموں کشمیر پولیس کو مبارکباد دینا چاہتا ہوں جنہوں نے اس نئے قانون کے تحت پہلی ایف آئی آر درج کی ہے۔ بھارتی نیا سنہتا گزشتہ چار سالوں میں اسٹیک ہولڈرز کے ساتھ مشاورت کے بعد بھارتیہ ناگرک تحفظ سنہتا اور بھارتیہ ساکشیہ ادھینیم کو لاگو کیا گیا ہے۔ “انہوں نے ذکر کیا کہ 2019 میں وزیر اعظم نریندر مودی نے فوجداری قوانین کا جائزہ لینے کی ہدایت دی تھی۔لیفٹنٹ گورنر نے کہا ” اگست 2019 میں، ریاستوں، ہائی کورٹس، سپریم کورٹ، اور ممبران پارلیمنٹ سے تجاویز مانگی گئیں۔ 2020 سے 2021 کے درمیان مشاورت کی گئی، اور حکومت کو 3200 تجاویز موصول ہوئیں۔ وزیر داخلہ امیت شاہ نے 58 میٹنگوں میں حصہ لیا۔ یہ قوانین پر مبنی ہیں۔ انصاف، مساوات اور غیر جانبداری پر، جیسا کہ تمام اسٹیک ہولڈرز نے اتفاق کیا ہے“۔سنہا نے نئے قوانین کے بارے میں رائے حاصل کرنے کیلئے دوسرے اضلاع کے سماجی کارکنوں اور پولیس افسران سے بھی بات چیت کی۔خیال رہے کہ ملک میں فوجداری انصاف کے نظام کو مکمل طور پر تبدیل کرنے کے اقدام میں، تین نئے فوجداری قوانین آج یکم جولائی سے نافذ العمل ہوں گے۔ادھر سرینگر، اننت ناگ اور بارہمولہ پولیس اسٹیشن ان اسٹیشنوں میں شامل ہیں جن میں فوجداری قانون کی نئی دفعات، بھارتیہ نیا سنہتا (بی این ایس) کے تحت مقدمات درج کیے گئے ہیں۔پولیس کے مطابق ایک ایف آئی آر،پولیس اسٹیشن چھانہ پورہ درج کیا گیا تھا، جو یہاں صدر سب ڈویڑن کے دائرہ اختیار میں آتا ہے۔”مقدمہ نئے قانون کی دفعہ 135-1(b) اور 303(2) BNS کے تحت درج کیا گیا ہے، جو خطے کے قانونی نفاذ کے فریم ورک میں ایک قابل ذکر سنگ میل ہے۔ اسی طرح، ایف آئی آر نمبر 143/2024کے تحت، اننت ناگ کے پولیس اسٹیشن بجبہاڑہ میں بھارتیہ نیا سنہتا 2023 کی دفعہ 125(a) اور 281 کے تحت مقدمہ درج کیا گیا ہے۔دوسری طرف بارہمولہ پولیس نے پولیس اسٹیشن کریری میں نئی فوجداری دفعات کے تحت مقدمہ درج کیا ہے۔
