امت نیوز ڈیسک //
سری نگر: اسمبلی انتخابات کی گہماگہمی کے بیچ ایک اہم سیاسی پیش رفت کے بطور ممتاز سیاسی ،سماجی اور انسانی حقوق کارکن عرفان حفیظ لون کانگریس میں شامل ہونے والے ہیں۔
ذرائع نے نیوز ایجنسی – کشمیر نیوز آبزرور (کے این او) کو بتایا کہ عرفان حفیظ لون کا آج کانگریس پارٹی میں شامل ہونے کا امکان ہے اور وہ اپنے آبائی انتخابی حلقے پر این سی-کانگریس اتحاد کے امیدوار ہوں گے۔
این سی اور کانگریس کے درمیان سیٹوں کی تقسیم کے انتظامات کے مطابق، موخر الذکر اپنا امیدوار واگورہ کریری سیٹ پر کھڑا کرے گا، جو کہ سنگرامہ اور پٹن کے سابقہ حصے پر مشتمل ہے۔
ذرائع نے بتایا کہ عرفان کا اس حلقہ سے کانگریس کے امیدوار ہونے کا امکان ہے – ان کے متاثر کن ٹریک ریکارڈ بطور ممبر ڈسٹرکٹ ڈیولپمنٹ کونسل بارہمولہ اور اس طبقہ میں مختلف سیاسی جماعتوں کے کارکنوں کے ساتھ دوستانہ تعلقات ہیں۔
عرفان حفیظ لون کے والد حفیظ اللہ لون، ایک معروف تاجر اور سماجی کارکن تھے، کو 1991 میں نامعلوم مسلح افراد نے قتل کر دیا تھا۔عرفان حفیظ لون نے شعیب نبی لون کو 2020 کے ڈی ڈی سی انتخابات میں شکست دی تھی۔
عرفان کے کانگریس میں داخل ہونے کے ساتھ ہی کریری-واگورہ سیٹ پر ان کے اور دو ایم ایل اے اور سابق وزیر بشارت بخاری کے درمیان براہ راست مقابلہ ہوگا۔
