امت نیوز ڈیسک //
میر سری نگر، 02 اکتوبر : حکام نے بتایا کہ سری نگر کے نشاط کے برین علاقے میں کل دیر رات ایک 22 سالہ لاپتہ شخص کی لاش ندی میں پائی گئی۔
ایک اہلکار نے نیوز ایجنسی – کشمیر نیوز آبزرور کو بتایا کہ اس شخص کو گزشتہ رات مقامی لوگوں نے دیکھا اور پھر پولیس کو اطلاع دی۔ انہوں نے کہا کہ بعد ازاں لاش کو ضروری قانونی کارروائی کے لیے قریبی اسپتال منتقل کر دیا گیا، جبکہ مزید تفتیش جاری ہے۔
متوفی کی شناخت رومان نذیر (22) ولد نذیر احمد حافظ ساکنہ ڈان پورہ برین کے طور پر کی گئی ہے۔ وہ 28 ستمبر سے لاپتہ تھا اور گزشتہ روز نشاط تھانے میں گمشدگی کی رپورٹ درج کرائی گئی تھی۔
