امت نیوز ڈیسک //
سری نگر: جمو ں و کشمیر قانون ساز اسمبلی اجلاس کے دوسرے روز، گذشتہ چھ سال سے زائد عرصے کے دوران انتقال کرگئے 51 قانون سازوں و سابق ارکان کو خراج عقیدت پیش کیا گیا۔ 2018 میں اسمبلی کے آخری اجلاس سے اب تک انتقال کرگئے 51 ارکان و سابق ارکان کو اسمبلی اجلاس کے دوران دو منٹ کی خاموشی مناتے ہوئے خراج پیش کیا گیا۔
انتقال کرگئے ارکان کی فہرست میں شامل اہم ناموں میں قانون ساز کونسل کے سابق چیئرمین عبدالرشید ڈار، سابق وزرا میاں بشیر احمد اور مدن لال شرما، سید علی شاہ گیلانی، دیویندر سنگھ رانا سمیت 51 ارکان شامل ہیں۔
اس موقع پر اسپیکر نے کہا کہ میں نے اپنے سیاسی کیرئیر میں انتقال کرجانے والے ارکان کو خراج پیش کرنے کے موقع پر کبھی بھی اتنی لمبی فہرست نہیں دیکھی۔ انہوں نے کہا کہ ہر ایک کو تفصیل سے خراج عقیدت پیش کرنا ممکن نہیں ہے، اس لیے ہمیں اس سلسلہ میں مختصر کاروائی چلانی ہوگی۔
