خصوصی درجہ کہیں یا دفعہ 370، یہ ایک ہی بات ہے: عبدالرحیم راتھر

امت نیوز ڈیسک //
سری نگر: جموں وکشمیر اسمبلی کے سپیکر عبدالرحیم راتھر کا کہنا ہے کہ خصوصی درجہ دفعہ370 میں ہی موجود ہے۔انہوں نے ساتھ ہی کہا: ’خصوصی درجہ کہیں یا دفعہ370 کہیں یہ در اصل ایک ہی بات ہے‘۔

موصوف سپیکر نے ان باتوں کا اظہار جمعہ کے روز یہاں نامہ نگاروں کے ساتھ بات کرنے کے دوران کیا۔انہوں نے کہا: ’آج ہائوس اچھی طرح سے چلا کچھ لوگوں نے پہلے قانون کو اپنے ہاتھوں میں لینے کی کوشش کی لیکن میں نے تحت قانون کارروائی کی‘۔

ان کا کہنا تھا کہ اس کے بعد معزز ممبران نے ہائوس میں اچھی طرح سے اپنے خیالات کا اظہار کیا۔ایک سوال کے جواب میں راتھر نے کہا: ’کوئی غلطی نہیں ہے، خصوصی درجہ دفعہ370 میں ہی موجود ہے‘۔انہوں نے کہا: ’ ’خصوصی درجہ کہیں یا دفعہ370 کہیں یہ در اصل ایک ہی بات ہے‘۔