امت نیوز ڈیسک //
سری نگر:سری نگر پولیس نے لوگوں سے زبردستی پیسے اینٹھنے کے الزام میں تین افراد کو دھر دبوچ کر سلاخوں کے پیچھے دھکیل دیا۔
پولیس کے ایک ترجمان نے بتایا کہ 23دسمبر کو غلام محی الدین ولد غلام حسن شیخ ساکن فردوس آباد بٹہ مولو نے پولیس تھانہ مائسمہ میں تحریری طورپر رپورٹ درج کی کہ 21اور 22سمبر کی درمیانی شب جب وہ بڈشاہ چوک سری نگر کی طرف جارہا تھا تو اسی اثنا میں چند افراد نے اس پر حملہ کیا اور زبردستی پیسے لوٹ کر راہ فرار اختیار کی۔
پولیس نے معاملے کی نسبت کیس درج کرکے تحقیقات شروع کی۔
پولیس بیان کے مطابق سی سی ٹی وی فوٹیج اور ٹیکنیکل ثبوت و شواہد کی بنیاد پر تحقیقات ٹیم نے تین افراد جن کی شناخت اشفاق احمد ڈار عرف’ عشہ موت‘ ولد خورشید احمد ڈار ساکن نشاط خاکی محلہ سری نگر، طاہر احمد میر عرف ’نائنٹین‘ ولد ثنا اللہ میر ساکن بنگلہ دیش کالونی رعناواری حال پالپورہ نور باغ سری نگر اور ارسلان مشتاق واندرو عرف ’کار ہول‘ ولد مشتا ق احمد ساکن حسی بٹ رعناواری سری نگر کے بطور ہوئی کی گرفتار عمل میں لائی۔
