امت نیوز ڈیسک //
حکومت کسی بھی موسمی صورتحال سے بر وقت نمٹنے کیلئے تیار ہے کی بات کرتے ہوئے وزیر اعلیٰ عمر عبد اللہ نے کہا کہ سرما کے ایام کے دوران صارفین کو ہم شیڈول کے مطابق بجلی فراہم کرنے کی کوشش کر رہے ہیں۔ انہوں نے مزید کہا کہ کوئی بھی حکومت کی اجازت کے بغیر جموں و کشمیر کا نام تبدیل نہیں کر سکتا۔سی این آئی کے مطابق اپنی رہائشگاہ پر میڈیا سے بات کرتے ہوئے وزیر اعلیٰ عمر عبد اللہ نے کہا کہ جموں و کشمیر میں برفباری کے ایک اور مرحلے کی پیشگوئی کے پیش نظر حکومت موسم کی خرابیوں سے نمٹنے کیلئے تیار ہے۔وزیر اعلی نے کہا”برف کے حالیہ مرحلے نے ہمیں ایک تجربہ فراہم کیا ہے۔ جہاں بھی کام اچھا ہوا اس کو دہرایا جائے گا اور جہاں بھی کام تھے ان کا اس بار خیال رکھا جائے گا“۔
بجلی کی موجودہ صورتحال کے بارے میں پوچھے گئے سوال کے جواب میں عمر نے کہا”اس سال کی صورتحال پچھلے سالوں سے بہتر ہے۔ لیکن بجلی کی کٹوتی ہوتی ہے، ہم شیڈول کے مطابق بجلی فراہم کرنے کی کوشش کر رہے ہیں۔ جب بھی کسی نظام میں کوئی خرابی پیدا ہوتی ہے، اس خرابی کو جلد از جلد دور کرنے کی ہر ممکن کوشش کی جاتی ہے“۔ان اطلاعات کے بارے میں پوچھے جانے پر کہ جموں و کشمیر کا نام تبدیل کیا جا سکتا ہے، عمر نے کہا”ایسی کوئی تجویز نہیں ہے اور کوئی بھی حکومت کی اجازت کے بغیر جموں و کشمیر کا نام تبدیل نہیں کر سکتا“۔
اس دوران انہوں نے مرکز کے ان دعووں پر تبصرہ کرنے سے انکار کر دیا کہ دفعہ370 کی منسوخی کے بعد جموں و کشمیر میں حالات بہتر ہوئے ہیں۔انہوں نے کہا کہ ابھی تک جموں کشمیر میں حالات معمول پر نہیں آئیں ہے کیونکہ ملی ٹنٹ حملے ابھی بھی جاری ہے اور کہا کہ جموں کشمیر میں امن قائم کرنے کیلئے کوششیں جاری ہے ۔
