امت نیوز ڈیسک //
علیحدگی پسندوں اور تفرقہ پسند طاقتوں کو طاقتور بننے کی اجازت نہیں دی جانی چاہئے اور اس کیلئے شہریوں کی حمایت حاصل کرنے کی کوشش کی ہے کی بات کرتے ہوئے لیفٹنٹ گورنر منوج سنہا نے کہا کہ بھارت اب دنیا کی جی ڈی پی میں 15 فیصد کا حصہ ڈال رہا ہے اور یقینی طور پر سال 2047 تک وکست بھارت کا ہدف حاصل کر لیں گے۔انہوں نے مزید کہا کہ یہ سچ ہے کہ تمام اختلافات کے باوجود، لوگ ایک مشترکہ اصل اور ایک مشترکہ تقدیر رکھتے ہیں۔
میں سماج کے تمام طبقات کے لوگوں سے درخواست کرتا ہوں کہ وہ ہندوستان کو ایک ترقی یافتہ ملک میں لے جائیں اور اس ترقی کے سفر میں فعال شراکت دار بنیں۔سی این آئی کے مطابق جموں میں مقامی نیوز چینل کے ذریعہ منعقدہ مہاراجہ ہری سنگھ پیس اینڈ ہارمنی ایوارڈ حاصل کرنے والوں کو مبارکباد دینے کے بعد ایک تقریب سے خطاب کرتے ہوئے لیفٹنٹ گورنر منوج سنہا نے کہا کہ ایوارڈ حاصل کرنے والوں کو یہ یقینی بنانے کے لئے بھی کام کرنا چاہئے کہ علیحدگی پسند اور تفرقہ انگیز طاقتیں طاقتور نہ بنیں۔انہوں نے گزشتہ 10سالوں کے دوران ہندوستان کی مضبوط اقتصادی ترقی کا حوالہ دیا۔منوج سنہا نے کہا ”دنیا کی مجموعی گھریلو پیداوار (جی ڈی پی) میں ہندوستان کا حصہ 11 ویں صدی میں 33 فیصد تھا جو 15 ویں صدی میں کم ہو کر 25 فیصد رہ گیا۔ مغلوں اور انگریزوں کے دور کے بعد، 1950 میں عالمی جی ڈی پی میں ہندوستان کا حصہ گھٹ کر صرف 4 فیصد رہ گیا۔ “ انہوں نے کہا ”وقت پھر بدل گیا ہے اور 2023 میں بین الاقوامی مالیاتی فنڈ (آئی ایم ایف) کے مطالعہ کے مطابق، ہندوستان اب دنیا کی جی ڈی پی میں 15 فیصد کا حصہ ڈال رہا ہے۔ “ منوج سنہا نے کہا کہ ہم یقینی طور پر سال 2047 کا وکست بھارت ہدف حاصل کر لیں گے لیکن اکیلے حکومت ایسا نہیں کر سکتی۔ انہوں نے مزید کہا کہ عوام کو بھی اپنا حصہ ڈالنا ہوگا۔اس سے قبل لیفٹنٹ گورنر نے پنڈت پریم ناتھ ڈوگرا، پنڈت گردھاری لال ڈوگرا اور دیویندر سنگھ رانا کو خراج عقیدت پیش کیا، جنہیں ان کی قائدانہ خوبیوں اور استقامت اور لوگوں کی فلاح و بہبود کیلئے زندگی وقف کرنے کیلئے بعد از مرگ ایوارڈ سے نوازا گیا۔
منوج سنہا نے کہا کہ مہاراجہ ہری سنگھ جدید جموں کشمیر کے کلیدی معمار تھے۔ انہوں نے تاریخ کے ایک نازک دور میں اس کی تقدیر کو تشکیل دینے میں بھی اہم کردار ادا کیا اور اس بات کو یقینی بنایا کہ ’ایک بھارت شریشٹھ بھارت‘ کا خواب حقیقت بن جائے۔لیفٹنٹ گورنر نے مشاہدہ کیا کہ مہاراجہ ہری سنگھ غریبوں اور پسماندہ لوگوں کے لیے اپنی فکر میں غیر متزلزل تھے اور انھوں نے خواتین کو بااختیار بنانے، تعلیم، صحت کی دیکھ بھال اور پسماندہ لوگوں کی بہتری کے لیے کام کیا۔
ان کی پوری زندگی معاشرے کی بہتری کے لیے ہمت اور عزم کی عظیم داستان تھی۔انہوں نے مزید روشنی ڈالی کہ یہ لوگوں کی ذمہ داری ہے کہ وہ اس بات کو یقینی بنائیں کہ مختلف طبقوں اور طبقوں کی وکشت بھارت میں حصہ داری ہو۔سنہا نے کہا کہ وزیر اعظم نریندر مودی کی قیادت میں جموں و کشمیر حکومت نے مہاراجہ ہری سنگھ کے یوم پیدائش پر تعطیل کا اعلان کرنے کا دیرینہ مطالبہ پورا کر دیا ہے۔
