امت نیوز ڈیسک //
کٹھوعہ ضلع میں پولیس نے آج حیران کن طور پر ایک بڑی ضبطی کرتے ہوئے کشمیر جانے والی ایک کار سے قریب دو کروڑ روپئے نقدی برآمد کئے ہیں۔
اطلاعات کے مطابق پنجاب سے کشمیر کی طرف جانے والی کریٹا گاڑی کو لکھن پور کے مقام پر معمول کی چیکنگ کے لئے روکا گیا۔
اس دوران گاڑی میں چھپا کے رکھی گئی رقم برآمد کی گئی، جو قریب دو کروڑ کے آس پاس بتائی جا رہی ہے۔
کار میں سوار دونوں افراد کشمیر کے بتائے جا رہے ہیں جنہیں پوچھ گچھ کے لیے حراست میں لے لیا گیا تاکہ رقم کے ذرائع اور اسکے استعمال کے مقصد کا پتہ لگایا جا سکے۔
