امت نیوز ڈیسک //
قوم جموں و کشمیر پولیس کی ان انمول قربانیوں کیلئے شکر گزار ہے جو انہوں نے اس لئے دی ہے کہ شہری امن سے رہ سکتے ہیں اور آزادانہ طور پر کام کر سکتے ہیں کی بات کرتے ہوئے لیفٹنٹ گورنر منوج سنہا نے کہا کہ وہ جانتے ہیں کہ ہماری پولیس فورس جانوں کے تحفظ اور ملی ٹینسی اور جرائم کا مقابلہ کرنے میں ثابت قدم ہے۔سی این آئی کے مطابق لیفٹنٹ گورنر منوج سنہا نے منی گا م گاندربل میں پولیس ٹریننگ اسکول میں بیسک ریکروٹ ٹریننگ کورس کے 16ویں بیچ کی پاسنگ آوٹ پریڈ میں شرکت کی۔نوجوان ریکروٹس سے خطاب کرتے ہوئے لیفٹنٹ گورنر منوج سنہا نے جموں و کشمیر پولیس کی غیر متزلزل ہمت اور لگن کی تعریف کی۔ انہوں نے خطے میں امن و سلامتی کو برقرار رکھنے میں اس کی قربانیوں پر فورس کو دلی خراج تحسین پیش کیا۔سنہا نے کہا”قوم جموں و کشمیر پولیس کی ان انمول قربانیوں کے لیے شکر گزار ہے جو انہوں نے دی ہیں“ ۔انہوں نے کہا ” شہری امن سے رہ سکتے ہیں اور آزادانہ طور پر کام کر سکتے ہیں کیونکہ وہ جانتے ہیں کہ ہماری پولیس فورس جانوں کے تحفظ اور ملی ٹینسی اور جرائم کا مقابلہ کرنے میں ثابت قدم ہے“۔
انہوں نے نئے بھرتی ہونے والوں پر زور دیا کہ وہ تندہی کے ساتھ خدمات انجام دیں اور پیشہ ورانہ مہارت کے اعلیٰ ترین معیار کو برقرار رکھیں کیونکہ وہ قوم کی خدمت میں اپنے کیریئر کا آغاز کرتے ہیں۔انہوں نے کہا ” لوگ جانتے ہیں کہ ہماری پولیس فورس جانوں کی حفاظت اور ملی ٹینسی اور جرائم کا مقابلہ کرنے میں مضبوط کھڑی ہے۔ “ انہوں نے کہا کہ پولیس اور سیکورٹی فورسز نے انتظامیہ کے ساتھ مل کر ملی ٹینسی کو ختم کرنے کے لیے آپریشن شروع کیا ہے اور اس کو مکمل طور پر ختم کیا جائے گا ۔
