امت نیوز ڈیسک //
سری نگر، 20 اپریل: شمالی کشمیر بارہمولہ ضلع کے رینج موڈ پٹن علاقے میں اتوار کو ایک تویرا گاڑی کی موٹر سائیکل کو ٹکر سے ایک 26 سالہ نوجوان کی موت ہو گئی۔
ایک اہلکار نے خبر رساں ایجنسی جے کے این ایس کو بتایا کہ متوفی کی شناخت عاقب احمد میر ولد محمد شفیع میر ساکن وترگام کریری کے طور پر کی گئی ہے۔
اس حادثے میں اسے شدید چوٹیں آئیں اور مقامی لوگوں نے اسے فوری طور پر علاج کے لیے ٹراما اسپتال پٹن پہنچایا۔ تاہم، ہسپتال کے ڈاکٹروں نے اسے مردہ قرار دے دیا، اہلکار نے مزید کہا۔
دوسری جانب پولیس نے واقعے کا نوٹس لیتے ہوئے مزید تفتیش شروع کردی ہے۔ (جے کے این ایس)
