امت نیوز ڈیسک //
سری نگر، 20 اپریل : جاری شدید موسمی حالات اور خراب موسمی پیشین گوئیوں کے پیش نظر، حکومت نے ہفتہ کو وادی کشمیر کے تمام اسکولوں میں کل کلاس ورک معطل کرنے کا اعلان کیا۔
خبر رساں ایجنسی جے کے این ایس کے مطابق وزیر تعلیم سکینہ ایتو نے ایکس پر لکھا، جاری شدید موسمی حالات اور منفی پیشین گوئیوں کے پیش نظر، حکام نے ہفتے کے روز وادی کشمیر کے تمام اسکولوں میں ایک دن کے لیے یعنی پیر 21 اپریل کو کلاس ورک معطل کرنے کا اعلان کیا۔
عہدیداروں نے کہا کہ یہ فیصلہ خالصتاً ایک احتیاطی اقدام کے طور پر لیا گیا ہے تاکہ طلباء کی فلاح و بہبود کو محفوظ بنایا جا سکے۔
جموں و کشمیر میں پچھلے کچھ دنوں سے مسلسل بارش ہو رہی ہے، جس میں متعدد اضلاع سے سیلاب، لینڈ سلائیڈنگ اور ٹریفک میں خلل پڑنے کی اطلاعات موصول ہو رہی ہیں۔ حکام صورتحال پر گہری نظر رکھے ہوئے ہیں۔ (جے کے این ایس)
