امت نیوز ڈیسک //
نئی دہلی 12 مئی: ہندوستان اور پاکستان کے ڈائریکٹر جنرل آف ملٹری آپریشنز (دی جی ایم اور پیر کی دوپہر کو بات چیت کریں گے تاکہ فوجی کارروائی کو روکنے پر 10 مئی کو طے پانے والے اتفاق رائے کا جائزہ لیا جا سکے اور آگے بڑھنے کے راستے پر تبادلہ خیال کیا جا سکے۔ اس بات چیت کا مقصد بین الاقوامی سرحد اور لائن آف کنٹرول (ایل او سی پر فائرنگ اور فوجی کارروائی کو مستقل طور پر روکتا ہے۔ دونوں حکام کے درمیان بات چیت دوپہر 12 بجے ہوگی۔
سکریٹری خارجہ وکرم مصری نے ہفتے کے روز اعلان کیا تھا کہ دونوں فریق شام 6 بجے سے زمینی فضائی اور سمندری فوجی کارروائی روک دیں گے۔ اس سے قبل پاکستان کے ڈائریکٹر جنرل آف ملٹری نے سہ پہر ساڑے تین بچے اپنے ہندوستانی ہم منصب کے ساتھ بات لائن پر بات چیت کے دوران فوجی کارروائی روکنے کی پیشکش کی تھی۔
درین اثناء ہندوستانی فوج نے پیر کی صبح صورتحال پر ایک آپ ڈیٹ دیتے ہوئے کہا۔ اتوار کی رات جموں و کشمیر اور بین الاقوامی سرحد سے متصل دیگر علاقے کافی حد تک پرسکون رہے کسی بھی واقعے کی اطلاع نہیں ملی ہے۔ بندوستان کے ڈائریکٹر جنرل آف ملیٹری آپریشنز لیفتیننٹ جنرل راجیو گھائی نے ہفتہ کی شام میڈیا سے بات چیت کرتے ہوئے سختی سےکہا تھا کہ ہندوستان پاکستان کی طرف سے جنگ بندی معاہدے کی کسی بھی خلاف ورزی کا سخت جواب دے گا۔ لیفٹیننٹ جنرل گھنی نے کہا کہ پیر کی بات چیت طویل مدت میں اسی مقابمت کو برقرار رکھنے کے طریقوں پر تبادلہ خیال کے لیے منعقد کی جائے گی۔
Share
